1. fundur stjórnar FÍÆT 2020-2021. Teamsfundur haldinn 17. nóvember 2020 kl. 10:00
Mætt: Gísli Rúnar, Kjartan, Amanda, Ragnar og Rut.
Mál á dagskrá
- Verkaskipting stjórnar
Gísli Rúnar Gylfason var kjörinn formaður á aðalfundi félagsins og situr næstu 2 ár.
Stjórna skiptir með sér verkum á eftirfarandi hátt:
Amanda K Ólafsdóttir: meðstjórnandi
Kjartan Páll Þórarinsson: Ritari
Ragnar M Sigursson: Gjaldkeri
Rut Sigurðardóttir: Varaformaður
- Ályktun stjórnar vegna Covid
Aðalfundur óskaði eftir því að stjórn myndi senda frá sér ályktun á þá leið að standa vörð um málaflokkinn.
Stjórn samþykkir að senda ályktun í gegnum sambandið og koma til skila á sveitarfélög landsins. Gísli setur upp drög að bréfi og stjórn mun rýna í bréfið og senda í sínu nafni. Málið verður tekið fyrir á næsta fundi stjórnar.
Samþykkt samhljóða
- Áskorun vegna ástands mála á Seltjarnarnesi
Gísli Rúnar, kynnti fyrir stjórn drög að opnu bréfi til bæjarstjórnar Seltjarnarnes um stöðu mála á Seltjarnarnesi. Bréfið verður sent í nafni stjórna FÍÆT, Samfés og FFF.
Drög bréfs eru Samþykkt samhljóða og Gísla er falið að vinna málið áfram.
- Fundur með umboðsamanni barna vegna ungmennaráða.
Gísli Rúnar á fund með umboðsmanni barna og Önnu Guðrúnu, sviðsstjóra hjá Sambandi um málefni ungmennaráða sveitarfélaga.
Lagt fram til kynningar
- Hámarks tími á setu í stjórn FÍÆT
Rætt um það hvort það ætti að breyta lögum félagsins á þann veg að ekki verði hægt að sitja í stjórn nema ákveðið langan tíma.
Stjórn samþykkir samhljóða að undirbúa lagabreytingu á næsta aðalfundi FÍÆT. Lagabreytingin mun snúa að því að meðlimir í aðalstjórn mega ekki sitja lengur en 2 kjörtímabil (2x2 ár = 4 ár). Breytingin er gerð til að tryggja endurnýjun í stjórn og að stjórnarmenn geti gengið frá störfum og þurfi ekki að sitja í mörg ár án þess ný framboð komi frá félagsmönnum.
- Önnur mál
- Ólafur Örn Oddsson, íþrótta- og æskulýðsfulltrúi í Rangarþingi eystra bætist við í fræðslunefnd FÍÆT. Ólafur bauð sig fram til starfa á nýliðnum aðalfundi félagsins.
- Vefsíða félagsins rædd. Rut, Gísli og Óli munu funda um heimasíðumál í lok nóvember. Einnig verður rætt um hvernig félagið getur gert sig sýnilegan á samfélagsmiðlum.
- Amanda ræðir um leiðir félagsmanna um að hafa samráð og eiga samtal. Tölvupóstur er ágætur en hætt er við að hann týnist í bunkanum. Einn möguleiki er að halda stutta samráðsfundi í Teams/Zoom um ákveðin málefni eins og td aldur í ungmennaráðum, endurnýjun á gervigrasi osfrv. Sá sem boðar til fundarins gæti ritað fundargerð og deilt upplýsingum með öðrum félögum.
- Ragnar varðandi Covid tengd mál. Almennar umræður um útfærslu á félagsstarfi í samræmi við reglugerð.
Stefnt á næsta fund fimmtudaginn 10.desember kl 10.00. Gísli boðar til fundar.
Fleira ekki rætt og fundi slitið kl. 11.05
Kjartan Páll Þórarinsson ritaði fundagerð.